നാടൻ പാട്ട്, മിമിക്രി, സിനിമ തുടങ്ങി കൈ വച്ച മേഖലകളിൽ എല്ലാം വെന്നിക്കൊടി പാറിച്ച, മലയാളത്തിൽ മാത്രമല്ല തമിഴിലും ജനങ്ങളുടെ ഇഷ്ടതാരമായി മാറിയ കലാഭവൻ മണിയുടെ നാലാമത്തെ സഹോദരി ശാന്തയുടെയും, പുളിയനത്തിന്റെ വടക്കേ അതിർത്തിയായ കുന്നിൽ താമസിക്കുന്ന അബേലി ചന്ദ്രന്റേയും മകനാണ് കലാഭവൻ രഞ്ജിത്ത്.
സ്കൂൾ പഠന കാലത്ത് തന്നെ മിമിക്രിയിലും, പാട്ടിലും തന്റെ കഴിവു തെളിയിച്ച് ധാരാളം സമ്മാനങ്ങൾ നേടിയിട്ടുണ്ട്. കലാഭവൻ മണിയുടെ സഹപ്രവർത്തകനായ കലാഭവൻ ജയന്റെ തൃശ്ശൂർ ഗാലക്സി എന്ന ട്രൂപ്പിൽ കൂടിയാണ് പ്രൊഫഷണൽ രംഗത്തെത്തുന്നത്. തൃശ്ശൂർ കലാവേദി, കൊച്ചിൻ കലാഭവൻ, കൊച്ചിൻ വാരിയേർസ്, കൊച്ചിൻ പോപ്പിൻസ് തുടങ്ങിയ സമിതികളിൽ കൂടി മിമിക്രിയിൽ ഉള്ള പ്രഗത്ഭ്യംതെളിയിച്ചു. 2011 മുതൽ 2015 വരെ കൊച്ചിൻ കലാഭവന്റെ കലാസന്ധ്യ എന്ന പ്രോഗ്രാമിൽ പങ്കെടുത്തു; അതോടെ കലാഭവൻ രഞ്ജിത്ത് എന്നറിയപ്പെടാൻ തുടങ്ങി.
മിന്നും താരം, ശ്രീ മണികണ്ഠൻ നായർ ഷോ, നമ്മൾ തമ്മിൽ, കോമഡി ഫെസ്റ്റിവൽ, കോമഡി സർക്കസ്, സിനിമ ചിരിമ തുടങ്ങിയ പ്രോഗ്രാമുകൾ ആയിരത്തോളം വേദികളിൽ അവതരിപ്പിക്കുകയുണ്ടായി. കൊച്ചിൻ നർമ എന്ന ട്രൂപ്പ് ഇപ്പോൾ നടത്തുന്നുണ്ട്. അനുജൻ സജിത്ത് നാടൻ പാട്ടു കലാകാരനാണ്.
2007ൽ ഏഷ്യാനെറ്റിന്റെ ആദ്യ റിയാലിറ്റി ഷോ മിന്നും താരം പ്രോഗ്രാമിൽ മാമ്പ്ര പ്രഭാത് ചേർന്നവതരിപ്പിച്ച രഞ്ജിത്തിന്റെ ആദ്യ ടീവീ ഷോയക്ക് ഒന്നാം സമ്മാനം ലഭിച്ചു. മഴവിൽ മനോരമയുടെ കോമഡി ഫെസ്റ്റിവൽ സീസൺ ഒന്നിൽ ഇരുപത്തിനാലു ടീമുകൾ അവതരിപ്പിച്ച ഷോയിൽ രഞ്ജിത്തും, സഹപ്രവർത്തകരായ മനോജ്, മഹേഷ്, ബിനു, രതീഷ് എന്നിവർ ചേർന്ന് അവതരിപ്പിച്ച കൊച്ചിൻ വാരിയേർസിന്റെ പ്രോഗ്രാമിന് സ്പെഷ്യൽ ജൂറി അവാർഡ് ലഭിച്ചു.
പച്ചോലപ്പമ്പരം, കോമരം എന്നീ ടെലിഫിലിമുകളിലും അഭിനയിച്ചു. കോമരത്തിലെ അഭിനയത്തിന് ബെസ്ററ് ആക്ടർ പുരസ്ക്കാരം ലഭിച്ചു. മെഗാസ്റ്റാർ മമ്മൂട്ടിയുടെ മരുമകൻ അഷ്‌കർ സൗദാനെ നായകനാക്കി ജിബിൻ സംവിധാനം ചെയ്ത വള്ളിക്കെട്ട് സിനിമയിൽ ഉപനായകൻ രഞ്ജിത്തായിരുന്നു. മമ്മി സെഞ്ചുറിയുടെ സ്ക്രീൻ പ്ലേ എന്ന സിനിമയിൽ നായകന്റെ സുഹൃത്തായി രഞ്ജിത്ത് ശ്രദ്ധേയമായ വേഷം ചെയ്തിരിയ്ക്കുന്നു സിനിമ ഡിസംബറിൽ റിലീസ് ചെയ്യുന്നു
