കേരളത്തിലെ പ്രമുഖ തന്ത്രികുടുംബമായ ‘ഭദ്രകാളി മറ്റപ്പിള്ളി മന’ ഇവിടെയാണ്‌. വൈക്കം മഹാദേവ ക്ഷേത്രത്തിലെ താന്ത്രികച്ചുമതല ഈ മനക്കാർക്കാണ്‌. പുളിയനത്തെ ഏറ്റവും വലിയ ഭൂപ്രഭുക്കന്മാരായിരുന്നു ഒരുകാലത്ത്‌ ഇവർ. ഇന്ത്യയ്ക്ക്‌ സ്വാതന്ത്ര്യം ലഭിച്ച വർഷത്തിൽ ഭദ്രകാളി മറ്റപ്പിള്ളി മലയിലെ കാരണവർ ദേവൻ വാസുദേവൻ നമ്പൂതിരിപ്പാട്‌ ആരംഭിച്ച പ്രാഥമിക വിദ്യാലയം പിന്നീട്‌ സർക്കാരിന്‌ കൈമാറി… അതാണ്‌ ഇന്നത്തെ പുളിയനം ഗവ. ഹയർ സെക്കൻഡറി സ്കൂൾ.
